Qadın

Sinəsində sərvət daşıyan gözəl - FOTOLAR

4 Noyabr 2015 10:30

Tanınmış alt paltarı markası “Victoria`s Secret”-in çoxdan gözlənilən şousuna az qaldı.

Publika.az xarici mətbuata istinadən xəbər verir ki, şouda nümayiş olunacaq ən bahalı büstqalter də artıq hazırdır. Nümayiş olunduqdan sonra həmin nümunə 2 milyon dollara satışa qoyulacaq. Avtomobil və ya bir ev dəyərində olmasının səbəbi isə onun qiymətli daş-qaşla bəzədilməsidir. Belə ki, həmin geyimin üzərində 6 min 500 qiymətli daş var. Büsqalter hazırlanarkən çəhrayı kuvars, yaqut və brilyant kimi 14 fərqli qiymətli daş növündən istifadə edilib. Hazırlanmasına 685 saat sərf olunan alt paltarının dizaynı məşhur ləl-cəvahirat firması “Mouawad”-a aiddir.

Onu da xatırladaq ki, 2 milyon dollarlıq büstqalteri bu il markanın məşhur mələyi Lili Aldric nümayiş etdirəcək.

Xatırladaq ki, alt paltarları istehsalı ilə tanınan “Victoria`s Secret" 1996-cı ildən etibarən hər il geyimlərinin nümayişinə daş-qaşlarla bəzədilmiş bir bahalı nümunə çıxarır.

Aytən