Eva Herziqova: “Gözəllik sirrim eşqdir!” – FOTOLAR

Qeyri-adi gözəlliyi ilə illərə meydan oxuyan Eva Herziqova bir kosmetik markasının yeni reklam kampaniyası üçün kamera qarşısına keçib və müsahibə verib.

Publika.az xəbər verir ki, 42 yaşlı supermodel gözəlliyinin sirrinin eşq olduğunu söyləyib.

Cazibədar model açıqlamasında bildirib ki, gözəl görünmək üçün gündə 8 saat yatır, hər gün iki litr su içir və idman edir. Bununla belə, əsas gözəllik sirrinin eşq olduğunu açıqlayıb:

“Təbii görünəndə özümü, həqiqətən, gözəl hiss edirəm. Bu, möhtəşəm hissdir. Hər keçən saatı sevirəm, hər ötən ili, məni bu yaşa gətirən hər anı sevirəm. Əgər keçmişə qayıtmaq şansım olsaydı, heç bir şeyi dəyişməzdim”.

90-cı illərin gözəllik ilahəsi heç vaxt ailə qurmağa həvəsi olmadığını, ancaq Qreqorio tanış olduqdan sonra tamamilə dəyişdiyini də söyləyib:

“İlk uşağım olanda niyə bu vaxta qədər ana olmaq istəmədiyimi düşündüm. Amma bu tamamilə zamandan və qismətdən asılıdır. Daha əvvəl doğru adamı tapa bilmədiyim üçün gözləmişdim”.

Xatırladaq ki, model 10 ildir Qreqorio Marsaiajla birlikdə yaşayır. Cütlük evli olmasa da, 3 uşaqları var.

Aytən