Qadın
Yeni ana olanlar nə yeməlidirlər? – Ən faydalı qidalar
Yeni ana olan qadınlar yedikləri qidaların həm öz sağlamlıqları, həm də körpənin səhhəti üçün faydalı olmasına diqqət etməlidirlər. Belə ki, onlara ana südünü artıran qidalara üstünlük vermələri məsləhət görülür.
Publika.az yeni ana olanlar üçün ən faydalı qidaları təqdim edir:
Yumurta
Yumurtanın tərkibində olan D vitamini körpənin sümüklərinin möhkəmlənməsinə, kolin maddəsi isə gələcəkdə güclü yaddaşa sahib olmasına kömək edir. Odur ki, gündə 1-2 yumurta yemək vacibdir.
Yulaf
Yulaf ana südünü artırır. Doğuşdan sonra müşahidə edilən qəbizliyin qarşısını alır. Yulafı süddə bişirib bal, zəfəran və ya təzə meyvələrlə dadlandıra bilərsiniz.
Qızıl balıq
Balığın tərkibindəki maddələr körpənin sinir sistemi üçün faydalıdır. Zülal və B12 vitamini mənbəyi olduğundan, doğuşdan sonra yaranan depressiyanın qarşısını alır. Həftədə iki dəfə balıq yemək məsləhətdir.
Qəhvəyi düyü
Südü artırır. Ananın gün ərzində enerjili olmasını təmin edir. Yorğunluq və halsızlığın qarşısını alır.
İspanaq
A vitamini ilə zəngin olan bu tərəvəzin tərkibində fol turşusu olduğu üçün doğuş zamanı itirilən qanı orqanizmə geri qazandırır. Çünki ispanaq qan hüceyrələrini artırır. Ana südünü artırmaq üçün də ispanaqdan istifadə etmək məsləhətdir.
Süd
D və B vitaminləri, həmçinin zülalla zəngin olduğu üçün həm ana, həm də körpə üçün çox əhəmiyyətli qidalardan biridir.
Süd içən ananın səhhəti sürətlə yaxşılaşır, bu da körpəyə birbaşa təsir edir. Südü ilıq halda içmək lazımdır.
Gündə 2 stəkan süd içmək kifayətdir.
Badam
E vitamini ilə zəngin olan qidalardan biridir. Ana və körpənin səhhəti üçün yararlı yağlar ehtiva edir. Ana südünü artırmaq üçün gündə 4-6 ədəd badam yemək məsləhət görülür.
Razyana
Ana südünü ən tez artıran bitki hesab edilir. Qarında hiss edilən sancıları azaldır. Bir qaşıq razyana toxumunu 4 stəkan suya töküb 5 dəqiqə qaynadın. Suyu süzüb gün ərzində yeməklərdən 1 saat sonra için.
Ləman Sultan
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO