Hamiləliyə qarşı həb qəbul edənlərə XƏBƏRDARLIQ

Həkimlər bəzi qidaların qəbul edilən dərmanlarla reaksiyaya girərək onların təsirini azaltdığını bildirir. Belə qidalardan biri də qreypfrutdur.

Publika.az xəbər verir ki, Kolumbiya Universitetinin professorları qreypfrutun hamiləliyin qarşısını alan dərmanların təsirini azalda biləcəyini açıqlayıb.

Bu isə o deməkdir ki, qadınlar istəmədiyi halda, hamilə qala bilər.

Araşdırmalar göstərib ki, qreypfrut yedikdə bağırsaqlardakı “CYP3A” adlı fermentin səviyyəsi aşağı düşür. Orqanizmin dərmanları mənimsəməsi üçün bu fermentə ehtiyacı var. Bu fermentlər kifayət qədər olmadıqda dərmanların effekti itir.

Araşdırmaların ortaya çıxardığı nəticələr bununla bitmir. Məlum olub ki, hamiləlik həbləri ilə qreypfrutu eyni gün içində qəbul etmək bədəndəki estrogen səviyyəsini artırır.

Qanda estrogenin səviyyəsi uzun müddət yüksək olduqda isə xərçəngə yaxalanmaq riski 50 faiz artır. Odur ki, hamiləliyə qarşı dərmanlardan istifadə edənlərə bu meyvədən uzaq durmaq tövsiyə edilir.

Ləman Sultan