Qadın

Dünyanın ən gözəl kraliçasının özəl FOTOLARI

31 Avqust 2016 10:00

Bu gün İordaniya kraliçası Raniyə əl-Abdullahın doğum günüdür.

Publika.az xarici mətbuata istinadən xəbər verir ki, İordaniya kralı II Abdullahın xanımı bu gün 46 yaşını qeyd edir. Bu münasibətlə kral sarayının rəsmi feysbuk səhifəsində Raniyə əl-Abdullahın və onun ailə üzvlərinin şəkilləri paylaşılıb. Fotolar arasında həm bu il ərzində baş vermiş mühüm hadisələri əks etdirən, həm dövlət əhəmiyyətli görüşlərdə çəkilmiş, həm də şəxsi fotoları yer alıb.

Bu il İordaniya kraliçası 160 yerli layihələrlə məşğul olub: Qocalar evləri, müxtəlif təhsil müəssisələri, xəstəxanalar və s. Raniyə Qərb və Şərq arasında barış siyasəti yürüdür, kross-mədəni əlaqələrin qurulmasına imkan yaradır. Onun bu istiqamətdə fəaliyyəti bir çox ölkələrin nümayəndələri tərəfindən yüksək qiymətləndirilib və kraliça bir sıra beynəlxalq mükafatlara layiq görülüb.

Qeyd edək ki, Raniyə 4 uşaq anasıdır və onlar öz uğurları ilə kraliçanı sevindirirlər. Böyük oğlu Hüseyn mayda universiteti bitirib. Sentyabrda 20 yaşı tamam olacaq Şahzadə İman isə Vaşinqtonda Corctaun universitetində təhsil alır.

Kraliça doğum günü münasibətilə möhtəşəm şadyanalıq keçirməyi xoşlamır. Raniyə bu özəl günü yaxınlarının əhatəsində qeyd edəcək. Yeri gəlmişkən onu da qedy edək ki, o, doğum günündən dərhal sonra Əmmanda keçiriləcək dizayn həftəsi ilə məşğul olacaq.

Məlumat üçün bildirək ki, Raniyə əl-Abdullah dəfələrlə bir çox nüfuzlu jurnallar tərəfindən dünyanın ən gözəl kraliçası seçilib.

Aytən