Qadın

Dəbli şərf və yaylıq bağlamaq üsulları - FOTOLAR

14 Aprel 2014 19:55

Havaların tez-tez dəyişdiyi yaz mövsümündə ən dəbli aksessuar hansıdır? Papaq? Güldürməyin, qış artıq geridə qalıb. Əlcək? Əlbəttə ki, yox! Eynək? Qızmar, günəşli günlərə hələ var. İpək şərf və zərif şallardan başqa yazın ən gözəl aksessuarı nə ola bilər ki?

Publika.Az-ın qadın bölməsi yaz mövsümünün şərf dəbi haqqında geniş məlumat vermişdi. Bu gün isə şərfləri bağlamağın müxtəlif yollarını araşdıb. Onu bağlamağın çoxlu variantları var. Fantaziyanız nə qədər böyükdürsə, şərfi istifadə etməyin qaydaları da bir o qədər çoxdur.

Şallar son 10 ildə dəbdə olmuş kimi görünsələr də, əslində çox köhnə zamanlardan bəri istifadə edilir. Həm soyuqdan qorunmaq üçün, həm də geyimlərimizə gözəllik qatmaq üçün istifadə edilən bu aksessuarlar bir dövr dəbdə olmaqdan çıxsa da, təkrar həyatımıza dönüb. Şallar və şərflar gündəlik həyatımızda ən çox istifadə etdiyimiz aksessuarlardan biri halına gəlib. Xanımlar qonaqlığa, ad gününə gedəndə, ya da elə gündəlikdə şallardan geyimin yaxasında bəzək əşyası kimi də düzəldə bilər.

Bunun üçün geydiyiniz geyimin rənginə və istifadə edəcəyiniz şalın rənginin uyğunlaşmasına diqqət edin.