Qadın

Geyimləri bürüyən yeni saçaq dəbi - FOTOLAR

28 Aprel 2014 18:28

1920-ci illərdən bu günə qədər saçaq tərzi zaman-zaman dəbə geri qayıdıb. Onu hardasa retro stilinə də aid etmək olar.

1920-ci illərdə dəbə gələn saçaqlar 1980-ci illərdə təkrar dəbə minir. Lakin həmin illərdə saçaqlar daha fərqli və bohem tərzində idi. Yaz mövsümündə özünü açıq şəkildə hiss etdirən saçaq tərzi trendlər siyahısına daxil ola bilib. Çox güman ki, saçaq dəbi qış aylarında da davam edəcək. Dünyanın böyük moda evləri də kolleksiyalarında saçaq detalından geniş istifadə edirlər. Xüsusən də çanta və ayaqqabıların əvəzolunmaz detalı hesab olunur. İlk baxışda gözə xoş görünməsə də, yavaş-yavaş xanımların qarderobuna daxil ola bilib.

Keçdiyimiz moda həftələrində saçaq trendinin artıq geyimlərdə istifadə olunmağa başladığının şahidi olduq. Geyimlərin müxtəlif yerlərinə əlavə olunan saçaqlar diqqət çəkir. Əsasən pencəklərin qollarında və donlarda istifadə edilir. Aksessuarlar arasında da yer verilən saçaqlar geyimləri daha eleqant göstərir.

Publika.Az-ın qadın bölməsi saçaq dəbinə aid bir neçə nümunə toplayıb.