Qadın

Məşhurların inanılmaz dəb və zövq yarışı - FOTOLAR

6 May 2014 12:45

Dünən gecə uzun müddətdir maraqla gözlənilən mövsümün dəb hadisəsi baş tutub. Belə ki, Nyu-Yorkun Metropoliten muzeyində "Met Ball" Kostyum İnstitutu Balı keçirilib. 1971-ci ildən ənənəvi olaraq keçirilən bal bu dəfə dizayner Çarlz Ceymsə həsr olunub. Balın açılışında "Charles James: Beyond Fashion" sərgisi keçirilib. Bal hər il gecənin mövzusuna müvafiq olaraq dress-kod əsasında keçirilir. Əgər keçən il pank-mövzular dəb tənqidçiləri tərəfindən olduqca soyuq qarşılanmışdısa, bu il təmtəraqlı, daha yaradıcı və dəbdəbəli geyimlər qlamur gecənin ahənginə uyğun seçilmişdi. Bu isə o deməkdir ki, gecənin qonaqları bərbəzəkli bal libaslarında, göz qamaşdıran qiymətli zinət əşyalarında gəlməlidir.

Balda dünyanın demək olar ki, bütün məşhurları iştirak ediblər. Gecənin qonaqları sırasında moda, musiqi, kino dünyasının tanınmış simaları olub. Qırmızı xalıya ilk çıxan qonaqlar Sara Cessika Parker, Devid və Viktoriya Bekhem cütlüyü, Tom Ford və "Vogue" jurnalının baş redaktoru Anna Vintur olub.

Publika.Az-ın qadın bölməsi xarici mətbuata istinadən gecənin ən dəbli xanımlarının fotolarını təqdim edir: