Bu tərəvəzlər kəskin tər qoxusu yaradır

Havalar isindikcə ən aktual problemlərdən biri də tərləmədir. Tərləmək orqanizmin normal fəaliyyətinin nəticəsi olsa da, bu normadan artıq olduqda ciddi problemlər yarada bilər. Tər əslində bədənimizdə temperaturunu nizamlayan bir müdafiə mexanizmidir.

Dəri məsamələrindən çıxan tər yediyimiz qidanın qoxusundan çox asılıdır. Belə ki, yediklərimizin qoxusu çox qüvvətlidirsə qida həzm olunduqdan sonra belə bədənə təsir göstərə bilər. Soğan, sarımsaq və aroması kəskin olan qidalar tərin pis qoxumasına səbəb olur. Bundan başqa aroması gözəl olan nanə, kəklikotu və başqa ədviyyatlar bədəndən çox çıxmır. Çünki həzm olunduqdan sonra dəyişikliyə məruz qalır və qoxusunu itirir.

Bu siyahıda pomidor da var. Publika.Az Türkiyə mətbuatına istinadən xəbər verir ki,onun tərkibindəki faydalı likopin maddəsi ən güclü antioksidant olub bir çox xəstəlik, o cümlədən xərçəngdən müdafiə uçün əvəzsizdir.Lakin pomidor həm də neqativ qoxu yaradaraq onun tərlə çıxmasına səbəb olan maddə ilə də boldur. Alimlər belə nəticəyə gəliblər ki, tomat və pomidor çox yeyən insanlar da pis qoxumaq riski ilə üz-üzədirlər.