Türkiyədə yaşayan məşhur azərbaycanlı aktrisanın arxiv FOTOLARI YAYILDI: Bu günə qədər...

Türkiyədə yaşayan azərbaycanlı aktrisa Nəsrin Cavadzadə haqqında çıxan “estetik gözəli” xəbərlərinə münasibət bildirib.

Publika.az xəbər verir ki, arxiv fotolarını İnstaqramda paylaşan ulduz özünü hər halı ilə gözəl hesab etdiyini deyib:

"Şəkillərimin altına nadir hallarda ciddi bir şey yazıram, amma bu axşam içimdən gəldi, bir neçə ciddi söz deyəcəyəm. Bunlar telefonda tapdığım ən köhnə şəkillərimdir. 10 il əvvələ aiddir. “Təkamül” xəbərlərinə cavab olaraq onu demək istəyirəm ki, gənc, sağlam, işini layiqincə yerinə yetirən bir qadın kimi özümü hər halımla gözəl hesab edirəm. Kök, yoxsul, makiyajlı və makiyajsız, səhər gözlərinin altı şişmiş, ya da ağlamaqdan gözlərim qızarmış... Heç fərq etmir. Bu günə qədər çox gözəl, ya da çox çirkin görünmək lazım gələn saysız-hesabsız rol oynadım. Yeri gəldi o qədər gözəl çirkinləşdim ki, məni bunun üçün təltif etdilər. Həm də dəfələrlə. Əlbəttə, bu gördüyünüz xəbərlərin oxunması üçün maraqlı hala gətirmək lazımdır və mənim buna zərrə qədər etirazım yoxdur. Sadəcə, yaşayan, nəfəs alan, bəzən xəstələnən, bəzən yorğun düşən, amma nə olursa-olsun mübarizə aparan uğurlu bir qadın kimi özümü hər halımla qəbul ədib sevdiyimi açıqlamaq istəyirəm. Və bu davranışın mənə təmas edən bütün qadınlara sirayət etməsini arzulayıram. Heç bir şeyin sizə özünüzü "daha az" hiss etməsinə icazə verməyin. Siz hər şeyin daha çoxuna layiqsiniz".