Kraliça bahalı qarderobu barədə deyilənlərə cavab verdi - KİRAYƏ GÖTÜRMÜŞƏM

İordaniya kraliçası Raniya mətbuatda müzakirə olunan bahalı qarderobu barədə açıqlama yayıb.

Publika.az xarici mətbuata istinadən xəbər verir ki, sosial şəbəkədə Kral II Abdullahın həyat yoldaşının adından açıqlama yayılıb. Məktubda ictimaiyyəti çox narahat edir mövzuya aydınlıq gətirilib.

Kraliça qarderobuna böyük pullar xərclənməsi haqqında ünvanına deyilən ittihamları qəbul etməyib. Məktubda bildirilir ki, dövlət başçısının xanımı İordaniyanı layiqli şəkildə təmsil etmək istəyir və bu xərclərə nəzarət edir. O, bildirib ki, ictimaiyyət qarşısına çıxdığı dəstlərin çoxunun qiyməti düzgün göstərilməyib.

“Əlahəzrətin geyim əşyalarının böyük əksəriyyəti hədiyyədir, bəziləri kirayə götürülüb, digərləri isə münasib qiymətə alınıb” , - deyə məlumatda bildirilib.

İordaniya kraliçası bədxərcliyi ilə bağlı məlumatları təkzib edib və qeyd edib ki, yalan məlumatlardan istifadə edərək müxtəlif ölkələrin liderlərinin xanımlarının qarderobu tez-tez müzakirə edilir. Kralın xanımı hesab edir ki, nəticədə təhrif edilmiş mənzərə yaranır.