Kişilər hansı qadınları əsla TƏRK ETMİR? - Məşuqə, dost, yoxsa... - - VİDEO

Video əlavə olunub.

xxx

Sizcə, kişilər hansı qadınları tərk edir? Cavab: Hamısını!

Amma gəlin, bir az obyektiv olaq. Kişilərin birinci düşməni ərköyün, isterik, baxımsız, yaxınlıqdan imtina edən qadınlardır. Bəlkə də problemin özəyi daha dərin qatlarda yatır.

Publika.az vazkeçilməz qadının əsas cəhətlərini təqdim edir.

1. Kişi həyatın mənası, dünyanın mərkəzi, arzuların zirvəsi deyil. Planetimiz bir kişinin varlığından daha geniş və rəngarəngdir. Məhz buna görə ətrafında pərvanə olmağa, köləsinə çevrilməyə lüzum yoxdur. Sadəcə yanında olub birgəlikdən zövq alın.

2. Hər bir qadın nəzəri cəhətdən də olsa, öz kişisindən ayrılmağı bacarmalıdır. Maddi cəhətdən azad, işində peşəkar olmalıdır. Şəxsiyyət kimi formalaşmış qadını heç bir kişi itirmək istəməz. Çünki onu ağır yük kimi çiynində daşımağa məcbur deyil.

3. Qadın ocağın keşikçisidir. Gözəl bişirməyi bacardığı heç olmasa iki xörək növü olmalıdır. Məsələn, dünyanın ən dadlı kotletləri onun əlindən çıxmalıdır. Heç bir kişi dadlı yemək, səliqə ilə ütülənmiş paltardan imtina etməz.

4. Kişi maaşını qadına vermək məcburiyyətində deyil. Ciblərini axtaran qadını sevmir. Hətta sağ cibində maaş kartını, solda isə hesabını unutduğu pullarını saxladığını bilsəniz belə, etməyin.

5. Qadın kişinin yalnız məşuqəsi, uşaqlarının anası, evdar xanım deyil. O həm də ən yaxın dostdur. Kişilər mənəvi yalnızlığa nifrət edirlər. Gündəlik problemlərini, gələcək planlarını bölüşəcək müdrik dosta ehtiyac duyurlar.

6. Kişilər onları qıcıqlandıran qadınlardan gen gəzirlər. Şübhə dolu baxışlar, isterik davranışlar, seksdən imtina etmək qadını kişidən uzaqlaşdırır. Əsl qadın istənilən problemi danışıq yolu ilə ya həll edir, ya da susub gedir.

7. Qüsursuz qadın xarici görünüşünü də nəzarətdə saxlayır. Pis vərdişlərindən qurtulur. İmicini dəyişib yenilənmək üçün pulunu da, zamanını da sərf edir.

8. O, sevdiyi kişinin əyləncə anlayışına da sayğı duymağa qadirdir. Bu da azmış kimi, özü də əyləncəsinə zaman ayırır.

Sonda xatirladaq ki, qüsursuz qadın özünü sevir. Odur ki, kişisini də, bütün dünyanı da sevə bilir.

Leyla Sarabi