Veda qanunlarında xoşbəxt evliliyin SİRRİ

Hindistanın ən qədim tarixə malik əsas və geniş yayılmış dinlərindən biri olan Veda təliminə görə, hər bir qadın yaxşı ər, yaxşı ev, yaxşı uşaq, bir az zinət əşyası və yaxşı yemək arzusundadır. Bu, nə yaxşı, nə də pisdir - sadəcə olaraq, onlar belə yaradılıb. Ancaq qadın bütün bunlara sahib olsa belə, sevgisiz yaşaya bilməz, çünki sevilməyən qadın daxili parlaqlığını itirir. Görkəmli filosof Çanakya Pandit isə hesab edir ki, əsl həyat yoldaşı dürüst və bacarıqlı olmalı, doğru danışmalı və ərinə sevinc bəxş etməlidir. Şərqdə belə qəbul olunub ki, sevgisiz qadın həyatın digər sahələrində nə qədər uğurlu olsa da, doyumsuz olacaq.

Publika.az xəbər verir ki, bunu Avropa sosioloji tədqiqatları da təsdiqləyir.

Veda qanunlarında deyilir: “Ər sahib, arvad idarəçidir”. Ailə həyatı hər şeydən əvvəl əməkdaşlıqdır. Buna görə ilk növbədə, əməkdaşlığa hazır olan bir həyat yoldaşı seçməlisiniz. Eyni zamanda, onun nə qədər yaraşıqlı, zəngin və romantik olmasının heç bir əhəmiyyəti yoxdur. Münasibətiniz uyğun gəlmirsə, çox güman ki, o, sizin ruh yoldaşınız deyil. Məsələn, müasir dövrdə sevgililər evləndikdən sonra hesab edirlər ki, biri digərinə borcludur. Əməkdaşlıq qura bilmədikləri üçün cütlüklər bir müddət sonra boşanır. Əsas səbəbi odur ki, oğlanlar və qızlar “oyun qaydalarını” bilmir, ya da birlikdə yaşamağın məqsədini dərindən dərk etmirlər, münasibət simpatiyadan o yana keçməyib.

Veda qanunlarına görə, ailə həyatında uğur 100 faiz qadından asılıdır! Üstəlik, məhz bu vəziyyət həm ailənin, həm də qadının mənafeyinə uyğun gəlir. Əgər o, münasibətlərə ağılla və anlayışla rəhbərlik etsə, heç kim (o cümlədən əri) ona müdaxilə edə bilməz! Buna görə də, hər bir qadın ailə münasibətlərində əsl peşəkar olmalıdır. Əslində bu, ilk növbədə görülməli olan ən mühüm işdir. Əgər bunu etməsən, heç kim bunu sənin yerinə etməyəcək!

Ailənin məqsədi vahiddir!

Veda ardıcılları hesab edir ki, qadının ərinə güvəni və hörməti çox vacibdir. Onun həyatda elə bir məqsədi olmalıdır ki, dəstəkləməkdən utanmayasınız. Əgər ailə yalnız ehtiras üzərində qurulubsa, münasibət uğurla davam edə bilməz. Hisslərimiz doymağa meyllidir və məqsəd yalnız zövqdürsə, ailədə narazılıq yaranır və sonda dağılır. Məqsədsiz ailə həyatı gedən qatara çevrilir.

Ailə münasibətlərinin düzgün məqsədi nədir?

Qədim veda kitablarında deyilir ki, həyat yoldaşları hər zaman və hər yerdə birliyə can atmalıdır: maddi və mənəvi. Bütün səviyyələr balanslaşdırıldıqda, həyat yoldaşları bir növ bütünlüyə çevrilir. Ancaq tərəqqi yalnız maddi məsələlərdə olarsa və mənəvi inkişaf axsayırsa, ayrılıq və xəyal qırıqlığı qaçılmazdır...

Ancaq həyat yoldaşları arasında harmoniya olarsa, münasibətlər daha da güclənəcək, təhlükəsizlik hissi, məmnunluq, sabitlik və özünə inam təkcə həyat yoldaşına deyil, həm də digər insanlara qarşı sevginiz artacaq. Onlar həyatın və müvəffəqiyyətin dolğunluğunu hiss edirlər və bu, başqalarına ötürülür.

Təslim olmaq ayıb deyil!

Rəqabət ruhu, cəmiyyətdə və ailədə uğur və hökmranlıq istəyi kişi psixologiyasının səciyyəvi xüsusiyyətləridir. Kişi özünə hörmət və təsdiq tələb edir! Onu yumşaq dillə ərköyünləşdirsəniz, hamı üçün faydalı olar. Qadın isə bu təbii nizamı qəbul edir və yumşaq bir şəkildə təslim olur, bununla da qarşı tərəfdə özünə və hamıya qarşı rəğbət hissi oyadır.

Evdə və ya işdə “müxalifətlə” qarşılaşan kişi eqosu yolunda olan hər şeyi məhv edir! Bu, hər şeyin itirilməsi deməkdir və bərpası mümkün deyil. Çox güman ki, qəzəb, inadkarlıq, əsəbilik, “soyuq rəftar”, anlaşılmazlıq, hətta təhqirlərlə qarşılaşacaqsınız.

Vedalara görə, xoşbəxt evliliyin qanunları

* Münasibətləri yaxşılaşdırmaq lazımdır, kişini yox. Bu anlayışları qarışdırmaq evliliyə ziyandır. Ərini özünüz seçmisiniz. Bu, sizdən asılıdır.

* Qadın ərinin bütün arzu və prinsiplərini bölüşməyə hazır olmalıdır.

* Ərinin düşdüyü şəraiti qəbul etməli və dəstək olmalıdır.

* Ər nadir hallarda qadın istədiyi üçün dəyişir, kişidəki bütün dəyişikliklər qadının əlindədir.

* Bütün qəlbinizlə ərinizi olduğu kimi qəbul etmək onu uğura aparan ən yaxşı “dərmandır”.

* Onu ağıllı və əhəmiyyətli hesab edin və bu sizin üçün həmişə yaxşı nəticələr verəcək.

* Əgər siz artıq seçiminizi etmisinizsə və sizə göründüyü kimi çox uğurlu deyilsə - ümidsiz olmayın! Ərinizin yaxşı və pis keyfiyyətlərinin siyahısını tərtib edin. Mənfi keyfiyyətlər yazılan vərəqi qatlayıb bir kənara qoyun, böyük həvəslə və yalnız müsbət keyfiyyətlərə baxın, pisləri unudun. Ruh yoldaşınızın yalnız yaxşı xüsusiyyətlərini nəzərə almaqla ailədəki atmosferi nəzərəçarpacaq dərəcədə yaxşılaşdıra bilərsiniz.