Dubayda məşhur qadınların böyük konfransı keçiriləcək

Martın 7 və 8-də Dubayda "Women's Empowerment Convention" keçiriləcək.

Publika.az xəbər verir ki, genişmiqyaslı tədbir əllidən çox dünya şöhrətli qadın liderləri bir araya gətirəcək. Konvensiya zamanı iştirakçılar qadınların liderliyi və özünü inkişaf etdirmə sahəsində öz hekayələrini, ideyalarını və uğur strategiyalarını bölüşəcəklər.

Tədbirin konsepsiyası təhsil, motivasiya və biznes və yaradıcılıq qabiliyyətlərinin inkişafı vasitəsilə qadınların həyatını yaxşılaşdırmağa həsr olunub. Dünyanın hər yerindən dəvət olunmuş spikerlər dinləyicilərə həyatlarını və karyeralarını yaxşılığa doğru dəyişməyə kömək edəcək şəxsi təcrübə və biliklərini bölüşəcəklər. Müxtəlif sahələrdə uğur qazanmış görkəmli qadınlar tədbir iştirakçıları üçün nümunə və ilham mənbəyi ola biləcəklər.

Konfransda İlon Maskın anası Mey Mask, Nataliya Vodianova, Tatyana Bakalçuk, Amanda Steynberq, həmçinin biznes, texnologiya, startap, media və moda aləminin bir çox digər məşhur nümayəndələri öz hekayələrini bölüşəcəklər. Çıxışlardan əlavə, seminarlar, biznes şəbəkələri, həmçinin moda nümayişi və qala şam yeməyi kimi, bir sıra tədbirlər də keçiriləcək.

Aytən Məftun