Qadın libidosuna təsir göstərən qidalar

Soya əsaslı məhsullar, balıq, həmçinin meyvələr, qoz-fındıq və bibər qadın libidosunu yaxşılaşdırmağa kömək edir.

Publika.az xəbər verir ki, bu barədə "SM-Clinic"in endokrinoloqu və dietoloqu Yelena Juçkova danışıb.

Onun sözlərinə görə, folasin və E vitamini ilə zəngin olan qulançar qadınların reproduktiv sisteminə faydalı təsir göstərir. Qadın orqanizmi üçün lazım olan çoxlu doymamış yağ turşuları isə balıq və dəniz məhsullarında olur. Mütəxəssis həmçinin çiyələk, nar və bəzi meyvələri tövsiyə edib.

"Mandarin və kivi C vitamini, flavonoidlərlə zəngindir, bu o deməkdir ki, onlar immuniteti və əhval-ruhiyyəni yaxşılaşdıra bilir və nəticədə libidoya faydalı təsir göstərir", - həkim "Gazeta.ru"-ya müsahibəsində izah edib.

Həmçinin acı bibər, şokolad, banan və dondurma da həssaslığı artırmağa kömək edəcək. Avokado və qoz-fındıq, xüsusilə qoz, şam qozu və badam yaxşı afrodizyak hesab olunur. Həkim həmçinin kifayət qədər su içməyi və idmanla məşğul olmağı tövsiyə edib.

Aytən