Fransızların 3 parfüm sirri

Fransa parfümeriyanın beşiyidir. Buna görə də, fransız qadınları ətir seçimində əsl sənətkardır desək, yanılmarıq. Bəs siz bu sənəti öyrənmək istəyirsiniz?

Publika.az oxucuları ətir seçimində diqqət etməli olduğunuz əsas qaydalarla tanış edib.

Ətri biləyinizə sürtməyin

Bunu yalnız mağazada yeni bir ətir sınaqdan keçirirsinizsə və tez almaq istəyirsinizsə, edə bilərsiniz. Fakt budur ki, qan dövranı ilə əlaqədar olaraq ətir biləkdə qızır. Üst notlar isə daha tez yox olur. Bəs niyə özünüzü ətir notlarının oyununu hiss etmək həzzindən məhrum edirsiniz?!

Aroma

Trendlər, makiyaj, üslub, ayaqqabı və pul kisəsi... Nəsə çatışmır? Əlbəttə ki, aroma! Onsuz hər hansı bir görüntü natamam olacaq, ətirlər bizə özümüzü ifadə etməyə və əhvalımızı başqalarına çatdırmağa kömək edir. Beləliklə, ən azı iki və ya üç ətir alın və dəyişin, özünüzü ifadə edin. Parfümeriyadan həzz alın.

Həddi aşmayın

Çox ətir vurmayın, başqa sözlə desək, başqalarının ürəyini bulandırmayın. Bir neçə dəfə sıxmaq kifayətdir, ən yüngül yay və sitrus tualet suları istisna ola bilər. Ölçülü olun: ətrafınızdakıları xatırlayın, işdəki həmkarlarınızın, rəfiqələrinizin və ya yaxınlarınızın ən gözəl ətirini belə boğmamalısınız!

Maraqlı fakt: çox güclü ətir qoxusu iştahınızı poza bilər. Ətirin kəskin qoxusu ləzzətli bir yeməyin bütün dadını korlaya bilər. Əsl fransız qadınları həm də kulinardır, odur ki, süfrədə ətrin yemək qoxusunun önünə keçməsinə qətiyyən icazə vermirlər.

Aytən Məftun