200 dəfə plastik əməliyyat etdirən məşhur aparıcıdan XƏBƏRDARLIQ - FOTOLAR

Teleaparıcı Paula Tebert 200-ə yaxın plastik əməliyyat təcrübəsini bölüşüb.

Publika.az xarici mediaya istinadən xəbər verir ki, aparıcının fikirləri "The Scottish Sun" da dərc olunub.

Dərin dekolteli çəhrayı paltarda kamera qarşısına keçən 55 yaşlı qadın "Barbi" kuklasına oxşamaq üçün 800 min funt sterlinq xərcləyib. Tebert deyib ki, pulun böyük hissəsini ona İsveçrə, Böyük Britaniya və Dubayda yaşayan yad şəxslər göndəriblər ki, bədən quruluşunu istədiyi formaya salmağa davam etsin.

"Həmçinin mənə maşınlar, paltarlar, kosmetika və dünya üzrə səyahət bilet hədiyyələri verirlər", - qadın etiraf edib

Bununla belə ulduz qeyri-standart formalarının bir sıra xoşagəlməz nəticələrinin olduğunu bildirib. Tebert tez-tez cərrahi müdaxilələrə əl atmamaq üçün bədən ölçülərinə daim nəzarət etməli olduğunu söyləyib. Bundan əlavə, o, görünüşünə görə ictimaiyyət tərəfindən tənqid olunduğu deyib.

Sonda teleaparıcı xəbərdarlıq edib ki, belə plastik əməliyyatlar və kosmetoloqun çoxsaylı prosedurları dərinin sallanmasına və bədəni qeyri-mütənasib hala sala bilər. “Əgər belə dəyişikliklər etmək qərarına gəlsəniz, sizə çoxlu pul lazım olacaq. Həm də əmin olmalısınız ki, bu əməliyyatlar həyatınız bahasına başa gəlməyəcək", - aparıcı yekunda xəbərdarlıq edib.