Genetik qadınlarda sonsuzliq riskini artıran səbəblərdən danışdı

Hormonların istehsalına cavabdeh olan gendəki mutasiyalar qadınlarda endometrioz və polikistik yumurtalıq riskini artırır. Bu xəstəliklər çox vaxt sonsuzluqla nəticələnir. Ancaq qadınların sağlamlığını qorumaq üçün vaxtında tədbirlər görülsə, risklər azaldıla bilər.

Publika.az xəbər verir ki, genetik İrina Kolesnikovanın izah etdiyi kimi,

"Bu xoşagəlməz xəstəliklərin inkişaf riskini artıran genetik faktorlar, məsələn, CYP19A1 aromataza geninin variantları (estrogen biosintezinin ən mühüm iştirakçılarından biri), eləcə də bir sıra başqaları məlumdur. Lakin onlar nəzərə alınarsa və qadınların sağlamlığının qorunması üçün lazımi tədbirlər görülərsə, inkişafının qarşısını almaqla problemlərin də qarşısını almaq olar”, - mütəxəssis Gazeta.ru-ya müsahibəsində izah edib.

Genetikin sözlərinə görə, polikistik yumurtalıqların səthində çoxsaylı kistlər əmələ gəlir. Patologiya bədəndə hormonların disbalansı, xroniki ağrı ilə müşayiət olunur, həmçinin qadın tez-tez depressiyaya düşür və düzgün terapiya olmadıqda xəstəlik sonsuzluğa səbəb ola bilər. Endometrioz ilə uterusun daxili təbəqəsi onun boşluğundan kənarda böyüyür, bu da xəstəlikdən təsirlənən orqanlarda, məsələn, bel və ya çanaqda iltihab və ağrıya səbəb olur.

Aytən