Qadınlara yay xəbərdarlığı: Vaginal infeksiyalardan bu üsullarla qorunun

Yay aylarında havanın temperaturu və rütubətinin artması, hovuzda və dənizdə çimərkən gigiyena qaydalarına diqqət yetirilməməsi nəticəsində qadınlarda vaginal infeksiyaya yoluxma riski çoxalır.

Publika.az xəbər verir ki, bu sözləri ginekoloq və doğuş mütəxəssisi Dr. Kemine Uzel deyib. "Sabah" qəzetinə müsahibə verən həkim yay aylarında tez-tez rast gəlinən vaginal infeksiyalardan danışıb və qadınları diqqətli olmağa səsləyib.

Həkimin bu barədə tövsiyələrini təqdim edirik:

1. İlk simptomları ciddi qəbul edin
Vaginal infeksiyaların simptomları xarakterik deyil və müxtəlif yollarla özünü göstərə bilər. Bu, tez-tez qaşınma, yanma və xoşagəlməz bir qoxu ilə müşayiət olunan axıntılar şəklində də ola bilər. Cinsi əlaqə zamanı da ağrı meydana gələ bilər. Yayda sidik yollarının infeksiyaları, sistit-sidik kisəsinin iltihabı da kifayət qədər tez-tez rast gəlinir və bu simptomları vaginal infeksiyalardan asanlıqla ayırd etmək olmur.

2. Ehtiyatlı olun
Yayda qadınları təhdid edən infeksiyalardan ən çox yayılanı vaginada bakteriyaların normal balansını dəyişdirən bakterial vaginozdur. Bu xəstəlikdən sonra ikinci yerdə göbələk infeksiyaları, xüsusilə antibiotiklər, kortizon kimi dərmanlardan istifadə edən və ya qanda şəkər səviyyəsi yüksək olan qadınlarda baş verir. Adətən heç bir əlamətlə özünü göstərməyən HPV virusunu da unutmaq olmaz. Çox vaxt izdihamlı sahil bölgələrində rast gəlinir. Həmçinin cinsi həyatda partnyorların sayının artması QİÇS-ə səbəb olan HİV virusuna səbəb ola bilər. Odur ki, diqqətli olun.

3. Yaş çimərlik paltarınızı dəyişdirin
Bədənin ümumi immunitetinin azalmasına səbəb olan yaş çimərlik geyimlərində uzun müddət qalmaq həmişə infeksiyanın ötürülməsi ilə birbaşa əlaqəli deyil, nəm onun inkişafına kömək edir. Digər tərəfdən, infeksiyanın özü bədənin ümumi immunitetini azaldır. Bu dövrdə yaş çimərlik paltarlarını mütəmadi olaraq dəyişdirmək tövsiyə olunur.

4. İntim gigiyenada sabundan istifadə etməyin
İntim gigiyenada sabundan istifadə yolverilməzdir. Xüsusi gigiyena sabunları ümumiyyətlə tövsiyə edilmir. Vaginal flora üçün probiyotiklərin həm yerli, həm də ağızdan istifadəsi tövsiyə olunur. Beləliklə, fizioloji vaginal flora qorunur və bu infeksiyalar daha az inkişaf edir.

5. Həkimlə məsləhətləşin
Simptomlardan asılı olaraq, xəstələr mümkün qədər ildə bir-iki dəfə ginekoloqa müraciət etməlidirlər. Yay aylarında, xüsusən də mərkəzlərdən uzaqda yerləşən kurort ərazilərində həkimə müraciət etmək asan deyil. Odur ki, qadınların simptomlar zamanı ümumi praktikantlarla əlaqə saxlaması tövsiyə olunur. Bu zaman bəzi dərmanlar tövsiyə oluna bilər. Təbii ki, simptomlarda yaxşılaşma yoxdursa, ginekoloji müayinə qaçılmazdır.

6. Şəxsi gigiyenaya diqqət yetirin
Şəxsi gigiyena sağlamlığın qorunmasının əsasını təşkil edir, xüsusən də bütün fəaliyyətlərin intensivləşdiyi yay aylarında. Yorğun və uzun səfərlər, həmçinin cinsi fəaliyyətin artması və ya tez-tez partnyor dəyişikliyi səbəbindən mümkün riskləri aradan qaldırmaq üçün ehtiyat tədbirləri və ümumi gigiyena böyük əhəmiyyət kəsb edir. Hər sağlam qadının vaginasında bakterial flora xarici temperatur, rütubət və yayla əlaqəli digər amillər də daxil olmaqla ilin istənilən vaxtında vaginanı infeksiyalardan qorumağa hazırdır. Lakin cinsi aktivliyin artması, tamponların düzgün istifadə edilməməsi və həddindən artıq nəmə məruz qalması da bu dövrdə infeksiyaların kəskinləşməsinə səbəb olur. Ümumi gigiyena tədbirləri ilə yanaşı, bütün hərəkətlərdə diqqətli olmaq və vaginal infeksiya risklərinin ilk əlamətlərində vaxtında tədbirlər görmək çox vacibdir.

7. Hovuzda uzun müddət qalmayın
Hovuzda uzun müddət qalmaq infeksiyalar üçün uyğun zəmin hazırlanır. Bundan əlavə, suyun standartlara, gigiyenik uyğunluğu aydın olmadığı üçün diqqətli olmaq lazımdır.

Aytən