Hamiləlik və doğuş üçün ən ideal yaş dövrü hansıdır?

Bu gün bir çox qadın hansı yaşda uşaq sahibi olmaq istədiyinə özü qərar verir və çoxları analığı müxtəlif səbəblərə görə təxirə salır. Məsələn, karyera qurmaq istəyi, sağlamlıq vəziyyəti və ya çətinlik qorxusu. Bununla belə, ginekoloqlar hamiləliyi planlaşdırarkən orqanizminin məhsuldarlıq dərəcəsinə diqqət yetirməyi tövsiyə edirlər.

Publika.az xəbər verir ki, mama-ginekoloq Yuliya Belyakova Gazeta.ru-ya hamiləlik və doğuş üçün ən ideal yaş dövründən danışıb.

"Bir qayda olaraq optimal reproduktiv yaş 18 yaşdan 26 yaşa qədərdir. Statistik məlumatlara görə, qızda aybaşı (ilk menstruasiya) 11-17 yaş arasında dəyişir. Bu yaş dövrü reproduktiv sistem kifayət qədər yetkin deyil. 18 yaşından başlayaraq gənc orqanizmdə fizioloji proseslər gedir və qızlar reproduktiv yetkinliyə çatırlar. Gənc orqanizmin bütün ehtiyatları hamiləliyi qəbul etməyə və dözməyə hazırdır", - həkim qeyd edib.

Eyni zamanda onun sözlərinə görə, 30-35 yaşdan sonra sonra reproduktiv sistemin tədricən fizioloji tükənməsi başlayır, həm hamiləliyin başlanğıcı, həm də doğuş zamanı çətinliklər yaranır, eləcə də ağırlaşma riskini artırır və sağlam uşaq dünyaya gətirmə ehtimalını azaldır.