Doğuşun cinsi həyata təsiri ortaya çıxdı

Məşhəd Tibb Elmləri Universitetinin (Məşhəd, İran) mütəxəssisləri qadınların cinsi istəyi ilə doğuş növü arasında əlaqə olduğunu iddia edib.

Publika.az xəbər verir ki, alimlərin işinin nəticələri "Health Care for Women International" jurnalında dərc olunub.

Araşdırmada 250 qadın iştirak edib. Müəlliflər iştirakçıların cinsi funksiyasını qiymətləndiriblər, həmçinin doğuşdan sonrakı müayinənin nəticələrindən istifadə ediblər. Xüsusilə alimlər çanaq orqanının prolaps (uşaqlıq sallanması) dərəcəsi ilə maraqlanıblar. Bu, çanaq orqanlarının dayaq-hərəkət aparatının zəifləməsi nəticəsində yaranan genital divarlarının enməsi və uşaqlıq yolunun sallanmasına səbəb olan xroniki xəstəlikdir. Qeyd olunub ki, daxili cinsiyyət orqanlarının yerdəyişməsi sonrakı mərhələlərdə genital boşluqdan kənara çıxan vaginanın lümenində yırtıq çıxıntısı meydana gətirir.

"Nəticələrimiz göstərdi ki, təbii yolla doğum edənlərlə qeysəriyyə əməliyyatını seçənlər arasında cinsi əlaqə zamanı orqazm, axıntı və ağrı ehtimalı cüzidir. Lakin çanaq orqanının prolapsiyası təbii yolla uşaq dünyaya gətirən qadınların cinsi həyatına kəskin şəkildə mənfi təsir göstərib", - alimlər qeyd ediblər.