"Qadınlığa" birbaşa təsir edən hormonlar

Hormonlar qadının görünüşünə, fiziki, zehni və ümumi sağlamlığına təsir göstərir.

Publika.az xəbər verir ki, bu barədə mama-ginekoloq Yuliya Belyakova danışıb. Həkimin sözlərinə görə, qızların yetkinlik dövründə böyüməsi, cinsi xüsusiyyətlərin inkişafı, həmçinin menstruasiyanın başlaması, xarakteri, müntəzəmliyi və başa çatması hormonlarlardan asılıdır.

"Hormonlar səsin tembrinə də təsir edir, sümük toxumasında metabolik prosesləri idarə edir, həmçinin damarların elastikliyini qorumaqla sərbəst qan dövranını təmin edir. Bütün bu fizioloji proseslər mükəmməl tarazlıqda olmalıdır", - o, Lenta.ru-ya açıqlamasında qeyd edib.

Mütəxəssis əlavə edib ki, menstruasiya dayandıqdan sonra cinsi hormonların düzgün balansını qorumaq lazımdır, çünki onların hər biri digərləri ilə eyni vaxtda qarşılıqlı əlaqədə olmaqla öz funksiyalarını yerinə yetirir. Hormonlardan birinin çatışmazlığı və ya artıq olması, digərlərində dəyişikliklərə səbəb olur.

Bu, artıq bir sıra xəstəliklərin inkişafına səbəb ola bilər, bəziləri isə geri dönməz nəticələrə malikdir. Buna görə də, həkim və ya endokrinoloqla vaxtında əlaqə saxlamaq vacibdir. Onlar, hormonal müayinə tələb edə bilər. Üstəlik menstrual dövrünün müxtəlif mərhələlərində bir çox hormon qəbul edilməlidir.

Eyni zamanda estrogenin fraksiyalarından biri olan estradiol səviyyəsinə xüsusi diqqət yetirilir. Ginekoloqun sözlərinə görə, onun miqdarı xəstənin görünüşünün qadınlığına, bədən quruluşunun yuvarlaqlığı, səsin incəliyi, dərinin yumşaqlığı, əhval-ruhiyyə və libidoya təsir göstərir. Yeri gəlmişkən, məhz dövrün ikinci mərhələsində estradiolun azalması səbəbindən bəzi zərif cinsin nümayəndələri əhval-ruhiyyəni dəyişə bilər.