Qadın

Alimlər qadınlara xərçənglə bağlı yeni xəbərdarlıq etdi

20 Sentyabr 2023 17:39

San-Fransiskodakı Kaliforniya Universitetinin bir qrup alimi araşdırma zamanı aşkar ediblər ki, məişətdə istifadə olunan kimyəvi maddələr qadınlarda xərçəngin inkişafına təsir göstərir.

Publika.az xəbər verir ki, yüksək miqdarda PFAS və fenollar döş, yumurtalıq, dəri və uşaqlıq yolu xərçəngi riskini artırır. Alimlərin nəticələri "Nature" jurnalında yayımlanıb.

Tədqiqat zamanı alimlər 10 mindən çox könüllüdən alınan qan və sidik məlumatlarını təhlil ediblər. Bədəndə artan PFDE miqdarının qadınlarda melanoma riskini iki dəfə artırdığı ortaya çıxıb.

Üstəlik, qanında və sidiyində BPA kimi fenolların yüksək səviyyəsi qeydə alınan ağdərili amerikalı qadınlarda yumurtalıq və uşaqlıq yolu xərçəngi inkişaf riski yüksək olub. Alimlər həmçinin qaradərili qadınlarda bir növ PFAS ilə döş xərçəngi ilə fenollar arasında əlaqə olduğunu irəli sürüb.

Alimlərin fikrincə, bu maddələr bütün dünyada məişət kimyası istehsalında geniş istifadə olunur.

Aytən Məftun