Ginekoloqdan qadınlara alt paltarı xəbərdarlığı

Strinqlər anusdan vajinaya və ya sidik kisəsinə daxil olan infeksiyaların yüksək riski səbəbindən ciddi sağlamlıq problemlərinə səbəb ola bilər.

Publika.az xəbər verir ki, bu barədə ginekoloq Melanya Mailyan xəbərdarlıq edib.

"Əlbəttə, ilkin olaraq qadın orqanizmi belə alt paltarı geymək üçün nəzərdə tutulmayıb. Qadınlarda sidik kanalı, vagina və anal boşluq çox yaxındır, ona görə də infeksiya asanlıqla yayıla bilər. Qadın gün ərzində daim hərəkətdə olur və alt paltarı irəli-geri hərəkət edir", - ekspert passion.ru saytına açıqlamasında bildirib.

Onun sözlərinə görə, bağırsaqlardan gələn mikroorqanizmlər vaginaya daxil olduqda mikrofloranı dəyişir, nəticədə qadınlarda sidik kisəsi və sidik kanalının iltihabı ola bilər. Xroniki sistit ilə reproduktiv sistemin pozulması riski artır.

Bundan əlavə, ginekoloq qeyd edib ki, strinqlərin tikildiyi sintetik parçalar xarici cinsiyyət orqanlarında dəri qaşınmasına səbəb ola bilər ki, bu da selikli qişanın zədələnməsinə, həmçinin anal çatların yaranmasına səbəb olur. Həkim vurğulayıb ki, strinqlərin mənfi nəticələrinin qarşısını almaq üçün təbii materiallardan hazırlanmış alt paltarları almaq və belə alt paltarları yalnız ehtiyac olduqda geyinmək lazımdır.