Qadın

Dünyanın ən yaşlı influenserindən həyat dərsləri - FOTO

20 Dekabr 2023 17:19

2023-cü ildə dünyanın 100 ən nüfuzlu qadını arasında yer alan 93 yaşlı Lisiya Ferç hesab edir ki, yaşlanmaqdan qorxmaq əbəsdir. Əgər ruhunuz yaşlı deyilsə, zaman sizi yaşlandırmır. 93 yaşlı məşhur influenser həyata dair fikirləri ilə izləyicilərini daima ruhlandırmağa çalışır.

Publika.az pozitiv enerjisi ilə hər kəsə ilham verən Lisiyanın həyatı haqqında maraqlı faktları təqdim edir.

İkinci Dünya Müharibəsini görən Lisiya qızı və ərini itirdikdən sonra nəvəsi Elonun dəstəyi ilə özünə sosial mediada hesab yaradıb və instaqramın ulduzuna çevrilib. Bundan sonra o, özünü yenidən kəşf edib və başqalarına ilham qaynağı olmağı bacarıb.

Lisiya Ferç dünyanın ən yaşlı influenseri və feminist aktivisti kimi, bədəni nikbin notlara kökləmək, o dalğada qala bilmək və qocalmış bədənləri yenidən formalaşdırmaq üçün mübarizə aparır və bu barədə tez-tez çıxışlar edir. O, həm də eynicinsli nikahların qeyri-qanuni olduğu İtaliyada LGBT hüquqları uğrunda mübarizə aparır.

Gənclik mərifətdir, qocalıq isə ayıb deyil.

Qadınların gözəlliyi yeməklər kimi, zaman keçdikdə korlanan bir şey deyil.

Qırışlarımızdan qorxmamalıyıq, özəlliklə ilk qırışlardan. Bu, təbiətin gözəlliyimizi yenidən işləməsinin bir yoludur.

Özünüzə qapanmay;n və özünüzü ifadə etməyə çalışın - maraq sizin ən böyük xilaskarınızdır.