Bu 4 faktor döş xərçənginin yaranmasına səbəb olur

Döş xərçəngi qadınlarda ən çox görülən xərçənglərdən biridir. Bu xəstəliyin inkişafına genetik meyl, yaş, həyat tərzi və ətraf mühit kimi bir sıra amillər səbəb ola bilər.

Publika.az xəbər verir ki, onkoloq, mammoloq, Rusiya Biotexnoloji Universitetinin Onkologiya kafedrasının baş müəllimi Aleksandr Soynov "Lenta.ru"ya risklər barədə ətraflı məlumat verib.

O, bildirib ki, döş xərçəngindən qorunmaq üçün hər kəsə uyğun bir üsul yoxdur, lakin bəzi vərdişlər onun meydana gəlmə şansını azaltmağa kömək edə bilər.

1. Genetik meyllilik

BRCA1 və BRCA2 genlərində, eləcə də digər genlərdə irsi mutasiyalar döş xərçənginin inkişaf riskini artıra bilər. Yaxın qohumlarında döş xərçəngi diaqnozu qoyulmuş qadınlarda da xəstəlik riski yüksəkdir.

2. Yaş

Qadın nə qədər yaşlı olarsa, döş xərçənginə tutulma ehtimalı bir o qədər yüksəkdir. Soynov qeyd edib ki, döş xərçəngi ən çox 50 yaşdan yuxarı qadınlarda rast gəlinir.

3. Həyat tərzi

Siqaret çəkmək, spirtli içki qəbul etmək, pis qidalanma və oturaq həyat tərzi də xəstəliyin riskini artıra bilər.

4. Ətraf mühit

Cərrah əlavə edib ki, kimyəvi maddələrə, radiasiyaya və digər ətraf mühit amillərinə məruz qalmaq da xərçəng risklərini artıra bilər.

"Fibroadenomalar və kistlər kimi süd vəzilərinin bu cür xoşxassəli formasiyalarının özləri çox nadir hallarda bədxassəli formalaşmaya çevrildiyini xatırlatmaq lazımdır. Lakin onların bəzi formalarının (məsələn, mürəkkəb kistlər) xərçəngə çevrilmə riski artır və buna görə də cərrahi müalicə tələb olunur", - onkoloq, mammoloq və Rusiya Biotexnoloji Universitetinin Onkologiya kafedrasının baş müəllimi Aleksandr Soynov qeyd edib.

Aytən