Qadınlar məhz bu səbəbdən kökəlirlər

Rusiya Federal Tibbi və Bioloji Agentliyinin professoru, dietoloq Marqarita Koroleva bildirib ki, qadınlar artıq çəki və ya piylənmə probleminə daha çox həssasdırlar. Onun sözlərinə görə, qadınlar emosional olduqlarına görə tez-tez stress keçirir və bundan əlavə, hər hansı bir problemi ürəklərinə salırlar.

Publika.az xəbər verir ki, həkim yağlı, duzlu və şirin qidaların asılılıq yaratdığını deyib.

“Buna uyğun olaraq insan artıq çəki alır. Yağlı, duzlu və ya şirin yeməklərin həddindən artıq istehlakından insan həzz və müsbət emosiyalar alır. Belə məhsullar müntəzəm olaraq tədarük olunduqda asılılıq yaradır. Problem geridə qalsa belə, insan emosional komponentini dəstəkləmək və müəyyən eyforiya vəziyyətini saxlamaq üçün bu qida məhsullarından istifadə etməyə davam edir”, - Koroleva Gazeta.ru-ya bildirib.

Ekspertin sözlərinə görə, artıq çəki və piylənmə ürək-damar sisteminin disfunksiyasına və karbohidrat mübadiləsinin pozulmasına gətirib çıxarır.

"Odur ki, piylənmə diabetlə əlaqəli metabolik dəyişikliklərin bütün kompleksini təmsil edən bir xəstəlikdir. Bu, xərçəng, sonsuzluq və bir sıra digər ciddi patologiyaların inkişaf riskinin ciddi ölçüdə artmasına səbəb olur", - həkim yekunda vurğulayıb.

Aytən