Qadın

2014-cü ilin dəb trendləri – FOTOLAR

11 Fevral 2014 18:15

Matros və dəniz təsvirləri tanınmış modelyerlərin ilham mənbəyi olacaq və yay aylarında da özünü göstərməyə başlayacaq. Chanel, Marc Jacobs, Marni, Valentino kimi moda evlərinin 2014-cü il kolleksiyalarında bu detallara rast gəlmək mümkündür. Mavi, ağ və qırmızı rənglərlə, yaxud da Chanel dəfiləsində olduğu kimi başdan ayağa ağ kombinasiyalarla dəniz ruhunu əks etdirə bilərsiniz.
Rahat şalvarlar – 2014-cü ilin dəb trendlərindən biri də enli və rahat şalvarlardır. Chloé, Narciso Rodriguez, Alexander Wang kimi moda evlərinin yeni kolleksiyalarına nəzər salsaq, pijamaya bənzəyən, düşük bel və rahat şalvarları görürük.
Kəsik üstlər – Kəsik üstlərin dəbdə olduğu 2013-cü ilin yay aylarında olduqca məşhur idi. Yayın ən çox parlayan trendi qış aylarında qalın materiallarda tikilməklə özünü göstərdi. Kəsik üstlər sevənlərə yaxşı xəbər var. Belə ki, 2014-cü ildə onlar yenə aktual olacaqlar. Göbəyi açıq qoymaq yerinə, tamamilə bağlı, başqa parçaların üzərinə geyinilərək kombinasiya edilib.
Tropik təsvirlər – 2014-cü ilin Resort kolleksiyalarında eyni zamanda tropik təsvirlər də istifadə edilib. Həmçinin standart palma ağacı təsvirlərindən daha çoxunu müşahidə edə bilərsiniz. Prada, Jason Wu, Kenzo kimi brendlərini təhlil etsəniz, bu trend haqqında daha çox məlumata sahib olarsınız.
Cins material – Tanınmış modelyerlərin dəfilələrinə nəzər salsaq, cins materialın tax-tacını hələ ki, heç nəyə vermədiyini söyləyə bilərik. Ancaq dizləri yırtıq cins trendinin bir müddət aktual olmayacığı gözlənilir. Onun yerinə dar və yaxşı tikilmiş, gül təsvirləri olan cinslər tutub.