Qadın

Moda evlərinin ən yaxşı qara və ağ kombinasiyaları - FOTOLAR

23 Mart 2014 20:17

Qara və ağ rənglər insanların illərdir vaz keçmədiyi iki rəngdir. Hələ ikisi bir yerdə istifadə edilərsə, adam gözünü çəkə bilmir. Bundan əlavə, hər mövsümün şablon trendləri var. Məsələn, ağ və qara rənglər kimi. Xüsusən də, 60-70-ci illərin üslubunda tikilən geyimlər çox dəbdədir.

Hər şeydən əvvəl qara və ağ rəngin beynimizdəki təsirlərindən danışım. Qara rəngin cazibə qüvvəsi olduğu üçün qadınlar illərdir ki, kişiləri onun sayəsində cəzb etməyə çalışırlar. Qadınların qarderobunda qara rəngin üstünlük təşkil etməsi heç də təsadüfi deyil.

Tamamilə qara rəngə bürünmək də düzgün deyil. Qara rəngdən çox istifadə edərək əhval-ruhiyyənizi riskə ata bilərsiniz. Belə ki, qara rəng bəzi vaxtlarda depressiyaya sala bilir. Qara rəng limitli olaraq istifadə edilməlidir.

Ağ rəng düşüncə gücünü artıraraq yaradıcılıq duyğusunu inkişaf etdirir. Ağ və onun çalarları hər zaman uyğun gəlir. Başqa rənglərlə istifadə edildiyi halda onların təsirini artırır. Təbii ki, təmiz, saf, məsum təsir bağışlayır. Qaradan fərqli olaraq, ağ rəngdən limitsiz istifadə edə bilərsiniz. Gəlinlərin başdan ayağa ağ rəngə bürünməsi buna misal ola bilər.

İndi isə ağ və qaranın kombinasiyası haqqında danışım. Ağ və qara rənglər işi asanlıqla həll etmək və sözümüzü rahat keçirmək üçün istifadə edilən ən sağlam rənglərdir. Bank və ciddi iş yerinlərində bu rənglərə üstünlük verilməsi heç də səbəbsiz deyil.

Bu tərz geyinən adamlar ciddi təəssürat yaradır. Ağ və qara rənglərdə geyinən adam görəndə ifadələrimizə ikiqat diqqət edir və məsafə saxlamağa çalışırıq.

Publika.Az-ın qadın bölməsi moda evlərinin ən yaxşı qara və ağ kombinasiyalarını təqdim edir: