Qadın

Ata olmaq üçün bu yaşı keçməyin

28 Fevral 2014 14:45

Alimlər gec yaşlarda ata olanların uşaqlarında autizm və diqqət pozuqluğu kimi psixoloji problemlərin daha çox yayıldığını aşkarlayıb.

Amerikalı və isveçli araşdırmaçılar 30 il ərzində dünyaya gələn 2,6 milyon adamın sağlamlıq durumunu təhlil edib. Araşdırma nəticəsində məlum olub ki, 24 yaşdan sonra ata olanların uşaqlarında psixoloji problemlər getdikcə artır. 40 yaşdan sonra bu problem ən yüksək həddə çatır.

40 yaşından sonra dünyaya gələn uşaqlarda bipolar pozuqluq riski 25 qat, diqqət pozuqluğu 13 qat, autizm riski 3 qat, intihara yaxınlıq riskinin 3 qat, şizofren olma və uyuşdurucu maddə istifadə etməsi riskinin isə 2 qat daha çox olduğu məlum olub.

Araşdırma, "JAMA Psychiatry" dərgisində yayımlanıb.