Qadın

"Oskar"-ın ən füsunkar xanımları - FOTOLARI

3 Mart 2014 13:08

Hollivudun xanım ulduzları “Oskar” gecəsində gözlərini parlaq rənglərlə vurğulamışdılar. Hətta dumanlı göz makiyajı, qırmızı dodaqları geridə qoymuşdu. Digər illərdən fərqli olaraq oskarın bu ilki mövsümündə qırmızı dodaqlara demək olar ki, rast gəlmədik.

Hətta hər zaman geyimləri kimi makiyajda da al-əlvan rənglərə üstünlük verən “Ən yaxşı ikinci dərəcəli qadın rolu”-nun sahibi Lyupita Nionqo parlaq, amma sadə tonları seçmişdi. İncə çəhrayı, zərif krem rəngləri, ən əsası dodaqların rəngini maksimum dərəcədə qoruyan pomadalar “Oskar” gecəsinə gələn xanımların əsas seçimlərindən biri idi. Qırmızı xalça mərasiminin başqa gözəllik – trendi nazik qara oxlar idi.

Saçlarda qeyri-adi eksperimentlər nəzərə çarpmadı. Füsunkar xanımların çoxu gecəyə zərif buruqlarda və təbii dalğalı saçlarda təşrif buyurmuşdular. Ancelina Colinin deyəsən, klassik saç modelindən vaz keçmək fikri yoxdur. Bundan başqa oğlan saç formaları da diqqətdən yayınmadı.

Publika.Az "www.buro247.ru" moda saytına istinadən "Oskar"-a ən yaxşı makiyajda gələnlərin fotolarını təqdim edir: