Azərbaycan hər zaman öz humanizmini göstərib - Deputat

Humanizm Azərbaycan xalqını digərlərindən fərqləndirən xüsusiyyətdir.

Bunu Publika.az-a açıqlamasında millət vəkili Asim Mollazadə deyib. O bildirib ki, Ermənistan hər zaman müharibələrdə hədəf kimi uşaqları, qadınları, mülki əhalini seçib:

“Ermənilər minaları vaxtilə işğal altında saxladıqları ərazilərə səpələyərək jurnalistləri, mülki əhalini hədəf kimi seçirlər. Bu fərqi dünya görməlidir. Ermənilər həmişə mülki əhaliyə divan tutublar. Mən Xocalı soyqırımı ilə yanaşı, İkinci Qarabağ savaşında Gəncədə, Bərdədə, Tərtərdə törətdikləri soyqırımıları dilə gətirmək istəyirəm. Mülki insanları hədəf alaraq onlara raket zərbələri endiriblər. Onlar müharibəni məhz mülki əhali ilə aparırlar.

Azərbaycan 44 günlük Vətən müharibəsi dövründə onların silahlı qüvvələrini darmadağın edərək bu imkanlarını azaldıb. Mina problemini də həll edəcəyik. Çünki Azərbaycan dövləti və xalqı buna qadirdir. Sadəcə olaraq, mən istərdim ki, bütün dünya ermənilərin müharibə aparmaq üsullarını görsün. Onların müharibəni sivillərlə - uşaqlar, qadınlar, qocalarla aparmaları göz qarşısındadır. Azərbaycan isə hər zaman öz humanizmini göstərib və göstərəcək”.

Tural Turan