Qırmızı.az

Sinqapur vətəndaşı Bakı Limanında rəis oldu

21 Sentyabr 2015 15:03

Bakı Beynəlxalq Dəniz Ticarət Limanının nümunəvi, beynəlxalq standartlara cavab verən və regionda qabaqcıl liman olması əsas vəzifə seçilib.

Limandan "Report"a verilən məlumata görə, bu məqsədlə Sinqapur modeli əsas götürülüb və limanın İstismar Xidmətinin müdiri vəzifəsinə sinqapurlu mütəxəssis Yevgeni Si (Eugene Seah) təyin olunub.

Qeyd edək ki, Y.Si Sinqapur PSA Konteyner Terminalları və Juronq limanında 25 illik iş təcrübəsinə malikdir. PSA-da işləyərkən Sinqapur, Yaxın Şərq və Çində olan terminalları idarə edib, Pasir Panjanq və Juronq limanındakı yeni liman terminallarının planlaşdırılmasında iştirak edib. Bakı Beynəlxalq Dəniz Ticarət Limanından əvvəl, Juronq limanında həm əməliyyatlar, həm də kommersiya üzrə ali rəhbərlik səviyyəsində bir neçə təyinat alıb. Juronq limanında yük və konteyner terminallarında kommersiya və əməliyyatların bütün aspektləri üzrə vitse-prezident vəzifəsini icra edib.