Qırmızı.az
“Günəş TV”-nin 1 yaşı tamam olur
Ölkə teleməkanın ilk uşaq televiziyası 1 yaşının qeyd edir.
Publika.az-ın məlumatına görə, uşaqların sevərək izlədiyi “Günəş TV” 1 aprel 2015-ci il tarixindən şimal regionunda fəaliyyətə başlayıb. 10 aprel 2015-ci ildən etibarən “Azerspace 1” peyki vasitəsilə yayımını həyata keçırən “Günəş TV” ilk vaxtlar 16 saat , 1 iyundan etibarən isə 24 saat yayıma keçib.
Efir vaxtını bütünlüklə uşaqlara həsr edən “Günəş TV” ölkənin azyaşlı izləyicilərinə Azərbaycan dilində cizgi filmləri və maarifləndirici proqramlar təqdim edir. Bir neçə əməkdaşla işə başlayan televiziya qısa zaman çərçivəsində kollektivi ilə yanaşı, efir proqramlarını da genişləndirə bilib.
Region teleşəbəkəsinə daxil olan “Günəş TV” regional kanallarla (Region TV, RTV, ELTV, CTV, KəpəzTV, KanalS) sıx əməkdaşlıq edir. Bu əməkdaşlıq nəticəsində həmin kanalların istehsalı olan, regionda maraqla izlənən verilişləri “Günəş TV”-nin efirində yayımlanır. Məktəblilər üçün nəzərdə tutulan ”Bilik kuboku”, “Bilik xəzinəsi”, “Zirvə”, “Elin zəkası” verilişlərində şagirdlər arasında teleyarışmalar təşkil olunur. Bu yarışmalar məktəblilərə intellekt səviyyəsini nümayiş etdirmək imkanı verir. ”Bizim həyət”, “Balacalar”, “Dostlar”, “Bilirsinizmi?” verilişləri isə azyaşlılar uşaqlar üçün nəzərdə tutulub. Tərbiyəvi əhəmiyyətə malik olan bu verilişlər vasitəsilə uşaqlara davranış qaydaları, təbiət və heyvanlar aləmi haqqında biliklər, səlis yazmaq, oxumaq vərdişləri öyrədilir.
Bu gün 1 yaşını qeyd edən televiziya balaca tamaşaçılarda böyük maraq oyatmağı bacarıb. Hazırda televiziya texniki bazasının və yayım imkanlarının genişlənləndirilməsi istiqamətində işləri davam etdirir. Milli –mənəvi dəyərlərə söykənən, uşaq psixologiyasına müsbət təsir edən yayım həyata keçirən “Günəş TV” gələcəkdə maarifləndirici verilişlərin sayını artırmaqla bir sıra layihələrə də imza atacaq.
Publika.az həmkarlarını təbrik edir, onlara yeni yaradıcılıq uğurları arzulayır.
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR