Qırmızı.az

NADİR XƏSTƏLİK: 4 saatdan bir dərisi yenilənir

20 Avqust 2016 22:47

Harper Foy adlı amerikalı bir uşaq dünyada nadir xəstəliklərdən birinə tutulub.

Publika.az xəbər verir ki, bu xəstəlik səbəbindən 4 saatda bir uşağın dərisi soyulur.

Uşağın dərisi normal insanlarla müqayisədə 10 dəfə daha tez yenilənir. H.Foy kloun adı verilən bu genetik xəstəliyin ən azyaşlı daşıyıcısıdır. Həkimlər uşağın öləcəyini desələr də, o, artıq 1 yaşına çatıb. Xəstəliyin dəqiq müalicəsi yoxdur, lakin buna baxmayaraq, onun sağ qalması üçün müxtəlif üsullar tətbiq edilir.

Onun müalicəsi üçün Yaponiyadan xüsusi avadanlıqların gətirilməsinə ehtiyac var ki, bu da təxminən 21 min dollara başa gələcək. Ailə həm qızının həyatda qalmasını istəyir, həm də onun gələcəyindən çox narahat olduğunu dilə gətirir. Çünki balaca qız xəstəliyi səbəbindən normal hərəkət edə və hətta otura bilmir.

Gülxar