Qırmızı.az

Arvadını və yeni doğulmuş qızını diri-diri basdırdı

9 Sentyabr 2014 12:54

Belorusiyada arvadını və yeni doğulmuş qızını diri-diri basdıran kişinin məhkəmə prosesi başa çatıb.

Publika.az Belarus mətbuatına istinadən xəbər verir ki, 28 yaşlı qatil ömürlük həbs cəzası alıb.

Cinayət işinin materiallarına görə, müttəhim 2013-cü ilin sentyabrında Qlusk qəsəbəsinə, vətəndaş nikahında olduğu arvadının evinə gəlib. Həmin vaxt evdə qadının 2 yaşlı oğlu və 3 aylıq körpə qızı da olub.

Cütlüyün arasında mübahisə düşüb. Kişi körpənin atası olduğunu deyərək uşağı almaq istəyib. Qadın buna etiraz etdikdə sifətindən zərbə alıb. Kişi huşunu itirmiş qadının əl-ayağını bağlayıb. Sonra uşağı polietilenə büküb. Hər ikisini avtomobilinin yük yerinə qoyaraq şəhərdən kənara aparıb.

Atılmış fermaların birində onları diri-diri basdırıb. Qadının və körpənin meyitini baxışdan keçirən məhkəmə tibbi ekspertizası rəy verib ki, onların hər ikisi boğulub ölüblər. Yəni qurbanların diri ikən torpağa basdırılmaları sübut olunub.

İlqar