Qırmızı.az
Millət vəkili girovumuzun ailəsinə baş çəkdi: “Şahbazın ailəsi kirayədə yaşayır” - Foto
Yeni Azərbaycan Partiyasının (YAP) Siyasi Şurasının üzvü, millət vəkili Aydın Mirzəzadə Kəlbəcərdə ermənilər tərəfindən girov götürülən Şahbaz Quliyevin ailəsinə baş çəkib.
Publika.az xəbər verir ki, millət vəkili
təəssüratlarını "Fasebook"da bölüşüb.
“Ailəsinə baş çəkməyə yaxın qohumu Ramizlə birlikdə getdik.
Şahbazın öz evi yoxdur, ailəsi kirayədə yaşayır. Evin şəraitindən
zəhmətkeş ailəsi olduğu görünür. Şahbaz uzun müddət Rusiyada
yaşayıb, gec ailə qurub, indi yoldaşı və qızı Elza onun yolunu
gözləyirlər. Torpağa çox bağlı bir insan olduğunu söylədilər,
qorxmaz, cəsarətli bir insandır. Evdə hara getdiyindən xəbərləri
olmayıb. Ailə ilə yaxın qohumları yaxından maraqlanırlar. Şahbazın
anası və qızının bu günlərə qədər onun taleyindən xəbərləri
olmayıb.
Baş nazirin müavini, Qaçqın və Məcburi Köçkünlərin İşi üzrə
Dövlət Komitəsinin sədri Əli Həsənovun ailə ilə daim maraqlandığını
söylədilər. Həyat yoldaşına və qohumuna Şahbaz Quliyevin və Dilqəm
Həsənovun taleyi ilə hər kəsin maraqlandığını və Azərbaycan
dövlətinin öz oğluna sahib çıxdığını söylədim. Ailə üzvləri onun
üzərində qurulmuş saxta məhkəmədən narahat olduqlarını bildirdilər.
Şahbazın həyat yoldaşı və Dilqəm Əsgərovun Rusiya vətəndaşları
olmasına baxmayaraq, Rusiyanın onların taleyi ilə maraqlanmadığını
da dilə gətirdilər. Ailə üzvləri Şahbaz və Dilqəmin səhhətindən
ciddi narahat olduqlarını da bildirdilər. Hadisə baş verənə qədər
140 kiloqram çəkisi olan Şahbazın “məhkəmə” görüntüləri onlara
normal baxmadıqlarından xəbər verir. Şahbazın ailəsinə onun
tezliklə vətənə qayıdacağına inandığımı və gələn dəfə artıq onunla
görüşə gələcəyimi bildirdim. Şahbaz Quliyevin ailəsindən bir neçə
şəkil götürdüm, onları bir qədər sonra səhifəmdə yerləşdirəcəyəm”,
- deyə millət vəkili bildirib.
A. Mirzəzadə Şahbaz Quliyevin qızı ilə çəkdirdiyi fotonu da sosial
şəbəkələrdə paylaşıb.
Asif
-
Cənubi Qafqaz10:00
Azərbaycan və Ermənistan arasında bölünəcək bu kənddə ölçmə işləri başladı - FOTO
-
ABŞ09:12
Milyarder bəşəriyyəti xəbərdar etdi: Atom bombasından da təhlükəlidir
-
İKT09:00
Bill Qeyts "Microsoft"da gizli işlə məşğuldur - Məlumat SIZDIRILDI
-
MDB08:00
Rusiyada səma çəhrayı rəngə boyandı - FOTO/VİDEO
-
MDB06:46
Rusların kabusuna çevirilən QARAÇI DÜŞƏRGƏSİ - Antaş balaca-böyük bilmədən...
-
Magazin205:15
Madonna Braziliyanı "SİLKƏLƏDİ" - Çimərlikdə və şəhər küçələrində izdiham yaşandı
-
Səhiyyə04:14
Son günlər azyaşlılar arasında yayılan yeni VİRUS NƏDİR? - VİDEO
-
İdman03:43
“Bayer Leverkuzen” 59 ilik rekordu TƏKRARLADI