Pensiyaların ödənişi niyə yubanır?
Bizi izləyin

Qırmızı.az

Pensiyaların ödənişi niyə yubanır?

Ötən son iki ildə pensiyalar Bakı şəhəri ərazisində yanvar ayının 13-nə kimi ödənilirdisə, bu il ödənişlərdə yubanma müşahidə edilir. Gecikmənin hansı səbəbdən baş verdiyini öyrənmək üçün DSMF-nin şöbə müdiri Famil Qədimovla əlaqə saxladıq.

F.Qədimov Publika.az-a açıqlamasında “buna gecikmə deməzdim” deyə bildirdi: “Yeni ilin ilk həftəsi istirahət gününə düşdüyündən bir az yubanıb. Amma bu gündən vəsait köçürülməlidir, 13-nə heç qalmır”.

Xatırladaq ki, 2013-cü il fevralın 12-də DSMF və Maliyyə Nazirliyi arasında imzalanan protokola əsasən, pensiya ödənişləri Naxçıvan Muxtar Respublikası üzrə hər ayın 11-dək, Bakı şəhərinin rayonları üzrə hər ayın 13-dək, əhalisi məcburi köçkün olan rayonlar üzrə hər ayın 16-dək, respublika tabeli şəhərlər üzrə hər ayın 18-dək, digər rayonlar hər ayın 24-dək, hərbi qulluqçular və xüsusi rütbəli şəxs kateqoriyasından olan pensiyaçılar üzrə hər ayın 29-dək yekunlaşdırılmalıdır.

Maraqlıdır ki, DSMF yetkilisi Maliyyə Nazirliyinə pensiyaların maliyyələşdirilməsilə bağlı heç vaxt müraciət edilmədiyini deyir: “Pensiyalar həmişə ayın 10-dan sonra köçürülürdü. Pensiyaların maliyyələşməsinə gəlincə, biz bununla bağlı nə əvvəllər, nə də indi Maliyyə Nazirliyinə müraciət eləmişik. Yəni gecikmə yanvarın 10-11 tarixlərinin qeyri-rəsmi iş günlərinə düşməsilə bağlıdır ”.

Gülnar Əliyeva

Oxumağa davam et
Reklam
Reklam

Gündəm