Region

Ruslar gürcünü həbs etdilər

24 Noyabr 2022 16:37

Rusiya işğalçı qüvvələrinin nümayəndələri Gürcüstanın Qori rayonunun işğal altındakı Artsevi kəndi ərazisində Gürcüstan vətəndaşını qanunsuz həbs ediblər.

Publika.az xəbər verir ki, bu barədə şimal-qərb qonşumuzun Dövlət Təhlükəsizlik Xidməti məlumat yayıb.

DTX-dən verilən məlumata görə, faktla bağlı dərhal “qaynar xətt” işə salınıb və qanunsuz saxlama faktı ilə bağlı Avropa İttifaqının monitorinq missiyasına və Cenevrə beynəlxalq müzakirələrinin həmsədrlərinə və beynəlxalq tərəfdaşlara məlumat verilib.

Qeyd olunub ki, bütün mövcud rıçaqlar işə salınıb və qanunsuz həbsdə olan şəxslərin azad edilməsi üçün tərəfdaşlarla iş aparılır.

Tural Turan