Kadırovun azyaşlı oğulları terrora qarşı mübarizə aparıblar? - Mükafat verildi

Çeçenistan rəhbəri Ramzan Kadırovun azyaşlı oğulları - Axmat və Adam terrorla mübarizəyə görə mükafatlandırılıblar.

Publika.az xəbər verir ki, bu barədə Çeçenistanın milli siyasət, xarici əlaqələr, mətbuat və informasiya naziri Əhməd Dudayev məlumat yayıb.

“Axmat və Adam Kadırovlar Daxili İşlər Nazirliyinin Çeçenistan Respublikası üzrə "”errorçuluğa qarşı mübarizədə fərqlənməyə görə” xatirə nişanları ilə təltif ediliblər!”, - nazir bildirib.

Dudayevin sözlərinə görə, Kadırovun övladları öz vətənlərinin əsl vətənpərvərləridir və hər bir hərəkətində respublikanın keçmiş prezidenti Axmat-Xaji Kadırovun göstərişlərinə ciddi əməl edirlər. Axmat və Adam Kadırovun terrorla necə mübarizə apardığını Dudayev açıqlamayıb.

Çeçenistan rəhbərinin özü əvvəllər bildirib ki, oğulları Axmat, Eli və Adam Ukrayna Silahlı Qüvvələrinin əsir götürülmüş üç əsgərini Qroznıya çatdırıblar. Yeniyetmələr Qərb-Axmat batalyonunun sərəncamında olan xüsusi əməliyyat zonasında olublar. Kadırov, həmçinin bildirib ki, “xüsusi əməliyyat”da iştirakın ilk günündə onun oğulları Ukrayna hərbçilərinə qarşı döyüşüb və irəliləyən rus döyüşçüləri üçün atəş örtüyü təmin ediblər.

Akqabay