İranlı deputat: "Hökumət suyu əhaliyə dörd dəfə satır" - VİDEO

İran parlamentinin üzvü Hüseyn Haqverdi İranın molla rejiminin əhalini kommunal xidmətlər adı altında necə soyduğunu açıqlayıb.

Publika.az xəbər verir ki, bu barədə "Azad İran" məlumat yayıb.

O, hökumətin soyğun sxemini üzə çıxararaq deyib: “Biz camaata bir dəfə su sayğacı paylayırıq, xalqdan pul alırıq. İkinci dəfə su sayğacına görə xalqdan pul alırıq, xalqın işlətdiyi suyun pulunu alırıq. Üçüncü dəfə isə xalqdan kanalizasiya sayğacına görə pul alırıq, kanalizasiya suyundan istifadə etdiyinə görə yenə pul alırıq. Beləcə, hökumət suya görə xalqdan 4 dəfə pul alır”.

Molla rejimi xalqa satdığı suyun pulunu alsa da, həm də su sisteminə qoşulmayan sakinlərdən də pul alır. Bununla bağlı vətəndaşlar deyirlər: “Sayğacımız hələ sistemə qoşulmayıb, amma 1,835 milyon tümən borc yazılıb. Heç bir yerdə işləmirik, gəlirimiz yoxdur, 3 milyon tümən borc yazılıb. Sayğac da aldım, texniki şərt də aldım, amma hələ su gəlmir, 5,8 milyon tümən borc yazılıb”.

Xomeyni deyirdi: “Bütün imkansız təbəqə üçün su və elektrik enerjisini pulsuz verəcəyik!”. Molla rejiminin bütün vədləri xalqı soymaqdan ötrü deyilmi?