Ərdoğandan UEFA-ya SƏRT TƏPKİ: "Bu, Türkiyə xalqını cəzalandırmaq cəhdidir"
Bizi izləyin
Kanon

Region

Ərdoğandan UEFA-ya SƏRT TƏPKİ: "Bu, Türkiyə xalqını cəzalandırmaq cəhdidir"

Türkiyə Prezidenti Rəcəb Tayyib Ərdoğan Avropa Futbol Assosiasiyaları İttifaqının (UEFA) Türkiyə millisinin futbolçusu Merih Dəmiralı iki oyunluq diskvalifikasiya etmək qərarını siyasi motivli adlandırıb.

Publika.az xəbər verir ki, Türkiyə lideri Berlində keçirilən futbol üzrə Avropa çempionatının (Avro-2024) 1/4 final mərhələsinin Türkiyə – Niderland oyununda onu müşayiət edən jurnalistlərlə söhbətində UEFA-nın qalmaqallı qərarını şərh edib.

“Açıq şəkildə qeyd etmək lazımdır ki, UEFA-nın Merih Dəmiralla bağlı diskvalifikasiya qərarı Avropa çempionatına ciddi kölgə salıb. Bu, izaholunmaz, sırf siyasi qərardır”, - deyə Ərdoğan bildirib.

Türkiyə Prezidenti vurğulayıb ki, UEFA-nın türk futbolçu ilə bağlı mövqeyi şəxsən Dəmirala qarşı deyil, bütövlükdə Türkiyə xalqını cəzalandırmaq cəhdidir.

“Türkiyə yığmasının bu ədalətsizliyə ən yaxşı cavabı meydanda nümayiş etdirdiyi gözəl oyun oldu”, - deyə Ərdoğan bildirib.

Oxumağa davam et
Reklam
Reklam

Gündəm

Kanon