İtalyan jurnalist Tehranda saxlanıldı: Nədə ittiham olunur?

İtalyan jurnalist Sesiliya Sala Tehranda saxlanılıb.

Publika.az xəbər verir ki, bu barədə İtaliya Xarici İşlər Nazirliyinin bəyanatında deyilir.

Bildirilir ki, Sala dekabrın 19-da Tehran polisi tərəfindən saxlanılıb.

“İtaliya Xarici İşlər Nazirliyi Salanın hüquqi vəziyyətini aydınlaşdırmaq və onun saxlanma şəraitini yoxlamaq üçün İran hakimiyyəti ilə əməkdaşlıq edir. Cümə günü jurnalisti həbsxanada İtaliya səfiri Paola Amadei həbsdə saxlanma şəraitini və vəziyyətini yoxlamaq üçün” ziyarət edib”, - məlumatda deyilir.

Qeyd olunur ki, ona qohumları ilə iki dəfə telefonla əlaqə saxlamağa icazə verilib.

CNN-in məlumatına görə, Sala İtaliyanın “İl Foglio” qəzetinin müxbiridir və jurnalistin Tehranın Evin həbsxanasında saxlandığı iddia edilirr. “Il Foglio”ya görə, Sesiliya "tanıdığı və sevdiyi ölkə haqqında məlumat vermək üçün İrana gedib".

İtaliyanın müdafiə naziri Quido Krosetto cümə günü deyib ki, bütün hökumət Salanın azadlığa buraxılması üçün çalışır, eyni zamanda qeyd edib ki, İranla danışıqlar, təəssüf ki, Qərb ictimai rəyinin iştirakı və xalqın qəzəbinin gücü ilə həll olunmur.

Salanın “İnstaqram” hesabında İranda tanış olduğu qadınlarla bağlı paylaşımlar var.

Tural