Region

Ermənistanı qarışdıran qətl: Şübhəli şəxslər saxlanıldı

29 Sentyabr 2025 10:12

Ermənistanın Parakar kəndinin başçısı Volodya Qriqoryanı və onun dostu, polis əməkdaşı Karen Abramyanı qətlə yetirən şəxs saxlanılıb.

Publika.az xəbər verir ki, bu barədə Ermənistan İstintaq Komitəsinin mətbuat katibi Kima Avdalyan məlumat verib.

Bildirilir ki, 20 yaşlı Gevork Arutyunyan Merdzavan kəndində 3 nəfəri güllələdiyini etiraf edib.

Arutyunyanın saxlanılaraq ibtidai istintaq şöbəsinə aparıldığı bildirilib. O, qətl silahının - müstəntiq tərəfindən götürülən avtomat tüfənginin yerini göstərib.

İşdə şübhəli bilinən digər şəxs, 29 yaşlı Narek Ohanyan əvvəllər həbs edilib. Onun çantasından idman zalı üzvlük vəsiqəsi aşkar edilərək istintaq orqanlarına göndərilib. Məlum olub ki, vəsiqə qətli törədən başqa şəxsə (Gevork Arutyunyan – red.) məxsusdur.

Tural