Region

NATO da bunda maraqlıdır: İrəvanda Zəngəzur dəhlizi müzakirə edildi

30 Sentyabr 2025 11:57

Ermənistanın xarici işlər naziri Ararat Mirzoyan NATO baş katibinin müavini Radmila Şekerişka ilə görüşüb.

Publika.az xəbər verir ki, Ermənistan Xarici İşlər Nazirliyinin məlumatına görə, görüş Varşava Təhlükəsizlik Forumu çərçivəsində baş tutub.

Həmsöhbətlər Ermənistan və NATO arasında tərəfdaşlığın genişləndirilməsi imkanlarını müzakirə edərək, daha iddialı gündəliyin hazırlanmasında maraqlı olduqlarını vurğulayıblar.

NATO-ya üzv ölkələrin səfirlərinin İrəvana son səfəri, eləcə də Ermənistanın NATO-nun sülhməramlı missiyalarında iştirakı məmnunluqla qeyd olunub.

Regional hadisələrə diqqət çəkən həmsöhbətlər sülhün bərqərar olması və Trampın Beynəlxalq Sülh və Rifah Kommunikasiya proqramının həyata keçirilməsində Vaşinqton Sazişlərinin əhəmiyyəti barədə fikir mübadiləsi aparıblar.

Tural