Paşinyanı devirmək üçün İrəvana gələn minlərlə “Vaqner”çi: Araşdırma davam edir

Ermənistan İstintaq Komitəsi Ermənistana 12 min “Vaqner” döyüşçüsünün gəlməsi ilə bağlı ilkin araşdırmanın hələ də davam etdiyini bildirib.

Publika.az xəbər verir ki, bu barədə “Sputnik Ermənistan”ın sorğusuna cavab olaraq bildirilib.

2023-cü ilin sentyabrında Ermənistanın baş naziri Nikol Paşinyan parlamentdə bəyan edib ki, “Vaqner PMC” üzvlərinin Ermənistana gəlişi ilə bağlı xəbərlər Telegram kanallarında dərc olunub və Milli Təhlükəsizlik Xidməti (MTX) öz səlahiyyətləri daxilində bu məlumatı araşdırır.

2023-cü ilin dekabrında Milli Təhlükəsizlik Xidməti (MTX) araşdırmalarını davam etdirdiyini bildirmişdi. Sonrakı sorğuya cavab olaraq MTN cinayət işinin Ermənistan İstintaq Komitəsinə verildiyini demişdi.

Qeyd edək ki, “Vaqner PMC” döyüşçülərinin Ermənistanda olması ilə bağlı şayiələri İrəvan Şəhər Şurasına seçkilərdən əvvəl hökumətyönlü ictimai qrup başlatmışdı. Əvvəlcə 3000 döyüşçünün olduğunu söyləsə də, sonradan 12000 döyüşçü olduğu iddiası ortaya çıxdı.

Məlumata görə, onlar “çevriliş edib baş nazir Nikol Paşinyanı hakimiyyətdən uzaqlaşdırmalı idilər”.

Tural