İstanbul təhlükədə: Anbarlar quruyub, yağış yağmasa...

Türkiyədə əhalinin ən sıx məskunlaşdığı İstanbul şəhərini təmin edən su anbarlarında suyun səviyyəsi cümə günü 28%-dən aşağı düşüb.

Publika.az Türkiyə mətbuatına istinadla xəbər verir ki, yağıntı olmasa, bu, cəmi 75 günə bəs edəcək.

İstanbul Su və Kanalizasiya İdarəsinin (İSKİ) cümə günü verdiyi məlumata görə, şəhərin su anbarları 27,8% doludur (868 milyondan 241,3 milyon kubmetr). Bu, 2023-cü il istisna olmaqla, son on ildə ən pis göstəricidir, həmin tarixə su anbarları cəmi 16% dolu olub.

Aprel ayından bəri su anbarlarının ehtiyatları 80%-dən davamlı olaraq azalıb. Şəhəri qidalandıran on su anbarından hazırda yalnız biri 25%-dən çox, dördü isə 2%-dən az doludur.

16 milyondan çox əhalisi olan şəhərin gündə təxminən 3,18 milyon kubmetr su istehlak etdiyini bildirən administrasiya vətəndaşları suya qənaət etməyə çağırıb.

İstanbul meriyasının sinoptikləri gələn həftə paytaxtda güclü yağış yağacağını proqnozlaşdırır.

2023-cü ildə İstanbul hakimiyyəti davam edən quraqlıq fonunda şəhərdəki bağların və şəxsi parkların suvarılması üçün su təchizatını dayandırıb.

Tural