Bir aydır itkin düşən əsgərin əmisi həbs edildi - Ermənistanda

Ermənistan Müdafiə Nazirliyinin qarşısında baş verən insident zamanı xuliqanlıq ittihamı ilə saxlanılan Arsen Qukasyanın həbsinə məhkəmə sanksiya verib.

Publika.az xəbər verir ki, vəkil Tatev Soqoyanın sözlərinə görə, qərar istintaqın tələbi əsasında qəbul edilib.

İtkin düşən hərbçi Sarkis Qukasyanın əmisi Qukasyan bir ay həbsdə qalacaq. Hakim Masis Melkonyan müdafiə tərəfinin həbsin yüngülləşdirilməsi ilə bağlı vəsatətini rədd edib.

Apijan Sarkisyan daha əvvəl Qukasyanla birlikdə saxlanılıb. Müstəntiqlər hesab edirlər ki, onlar sentyabrın 29-da keçirilən etiraz aksiyası zamanı hərbi polis zabitlərinə şüşə atıblar.

Qukasyanın vəkili israr edir ki, həbs müvəkkilinin həyatı üçün təhlükə yaradır. Tatev Soqoyanın sözlərinə görə, kişi iki dəfə infarkt və insult keçirib və ürəyinə üç stent taxılıb. Oktyabrın 6-da aparılan araşdırma zamanı o, təcili tibbi yardım tələb edib. Müdafiə tərəfi bütün tibbi sənədləri istintaq orqanına təqdim edib.

İşin açıldığı hadisə sentyabrın 29-da Müdafiə Nazirliyinin binası yaxınlığında baş verib. İtkin düşən hərbçilərin yaxınları əsgərin taleyi ilə bağlı məlumat verilməsini və Baş Qərargah rəisi Eduard Asryanla görüş tələb ediblər.

Hərbi polis binaya girişi əngəlləyib, nəticədə əlbəyaxa dava olub.

Tural