Moskvadan İrəvana mesaj: Orada baş verənləri diqqətlə izləyirik

Moskva Ermənistanın ikinci böyük şəhəri, Rusiyanın 102-ci Hərbi Bazasının, Rusiya Baş Konsulluğunun və “Rossotrudniçestvo”nun filialının yerləşdiyi Gümrüdəki vəziyyəti diqqətlə izləyir.

Publika.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova həftəlik brifinqdə Gümrü meri Vardan Qukasyanın saxlanmasına münasibət bildirərkən deyib.

Zaxarova qeyd edib ki, şəhər rəhbərliyi Rusiya Federasiyasının müxtəlif regionları ilə əməkdaşlığı fəal şəkildə inkişaf etdirir. Gümrüdə Rusiya-Türkiyə müharibələri zamanı həlak olmuş rus zabitlərinə həsr olunmuş “Şərəf təpəsi” abidəsi də var.

Diplomat xatırladıb ki, avqustda MDB Dövlət Başçıları Şurası Gümrüyə “1941–1945-ci illərin əmək şöhrəti şəhəri” fəxri adı verib.

"Biz, əlbəttə ki, Rusiya-Ermənistan münasibətlərini yüksək qiymətləndiririk və xalqlarımız arasında ənənəvi sıx əlaqələrin tərəfdarı olanları həmişə dəstəkləyirik. Şəhər merinin həbsinə gəlincə, bu, təbii ki, Ermənistanın daxili işidir. Eyni zamanda, qeyd edirik ki, Vanadzor, Berd, Gorus və digər icmaların rəhbərlərinə qarşı əvvəllər də cinayət işi açılıb, bəzilərinin isə bu cür tribunalara gətirib çıxarmayacağına ümid edirik”, - Zaxarova bildirib.

Onun sözlərinə görə, Ermənistanın yeni seçki dövrünə qədəm qoyduğunu - ölkədə növbəti parlament seçkilərinin 2026-cı ilin iyununa təyin edildiyini nəzərə alsaq, bu mövzu xüsusilə aktualdır.

Tural