Ermənistanda yoxsulluğun səviyyəsi azalmır: Paşinyan səbəbini göstərdi - Məktəblər

Ermənistanda yoxsulluq təxminən 23% olaraq qalır və bu rəqəm son illər əhəmiyyətli dərəcədə azalmayıb.

Publika.az xəbər verir ki, bunu Ermənistanın baş naziri Nikol Paşinyan parlamentin maliyyə, kredit və büdcə məsələləri komitəsinin təşkil etdiyi 2026-cı il dövlət büdcəsi layihəsinin müzakirəsi zamanı deyib.

"Yüksək iqtisadi artım templərinə baxmayaraq, ölkəmizdə yoxsulluq ciddi şəkildə azalmayıb. Mən belə qənaətə gəldim ki, səbəb dağılan məktəblərimizdir", - Ermənistan hökumətinin başçısı bildirib.

Onun sözlərinə görə, onilliklər ərzində Ermənistanda adekvat məktəb və universitet təhsili yox idi. Baş nazirin nöqteyi-nəzərindən məktəblər əsas bilikləri təmin edə bilmədilər və universitetlər korrupsiya və siyasi təzyiq alətinə çevrildi.

Məhz buna görə Ermənistanda bir çox müəssisələr, o cümlədən yüksək maaşlı sənayelərdə işçi tapmaqda çətinlik çəkirlər. Paşinyan hesab edir ki, bu işləri yerinə yetirməli olan insanlar lazımi səviyyədə təhsil almayıblar.

O vurğulayıb ki, məhz buna görə “Akademqorodok” və məktəblərin tikintisi kimi layihələr davam etdiriləcək.

“300 məktəb və 500 uşaq bağçası” göstəricisinə çatdıqdan sonra məktəb sistemini az-çox normal səviyyədə hesab etmək üçün bunu ən azı üç dəfə təkrarlamaq lazımdır”, - deyə baş nazir yekunlaşdırıb.

Tural